Ҡышҡы каникул ваҡытында башланғыс синыфтар өсөн «Беҙ сәләмәт тормош яҡлы!» девизы менән үҙенсәлекле спорт байрамы ойошторҙоҡ. Уҡыусылар командаларға бүленеп, оҙон һәм ҡыҫҡа араға йүгерҙе, ҡулса аша үтте, сәкән менән туп йөрөтөп, төрлө ҡаршылыҡтарҙы уҙып ярышты. Көйәрмәндәр уларҙы дәртләндереп торҙо.
Байрам күтәренке кәйеф менән тамамланды. Бына шулай бит остары алһыуланып, күҙҙәре янып торған, йөҙҙәренән йылмайыу китмәгән балалар саф һауала уйнап, шаярып ҡына ҡалманы, сәләмәтлеген дә нығытты.
Фәнилә ИҘРИСОВА, уҡытыусы.
Ғафури районы, Йөҙимән мәктәбе.