Командалар олимпия уйындары атрибутикаһын белеү буйынса белемдәрен һынап ҡараны, төрлө уйындарҙа ҡатнашты. Уларҙы көйәрмәндәр дәртләндереп ултырҙы. Бергәләп флешмоб та ойошторҙолар.
Спорт байрамы парад менән тамамланды. Унда кескәйҙәр олимпия чемпиондарының фотоларын тотоп атлап уҙҙы.
Кемдәр еңеүсе булдымы? Беренсе урында – Бохарбаевтар, ә Кәримовтар икенсе булһа, Ҡаҙаҡбаевтар өсөнсө урын яуланы.
Еңеүселәргә, бөтә ҡатнашыусыларға бүләктәр, грамоталар тапшырылды.
Наилә ҺЕЛӘҮҺЕНОВА, синыф етәксеһе.
Хәйбулла районы, Аҡъярҙағы 1-се мәктәп.