Мәҙинә – тирә-яҡты өйрәнеү, Айһылыу – урыҫ теле, Зарина информатика һәм тирә-яҡты өйрәнеү буйынса еңеү яулаған. Тағы ла Мәҙинә – вокал буйынса "Башҡортостан таланттары" конкурсы лауреаты. Айһылыу синыфта иң күп китап уҡыусы булһа, Зарина – Башҡортостанда балалар араһында иң мәргән йәйәнән уҡ атыусы. Ул – ике йыл рәттән "Уғатар" традицион уҡтан атыу буйынса республика балалар фестиваленең еңеүсеһе лә. Бына ошондай тырыш, өлгөлө уҡыусылар уҡый был белем усағында. Уҡытыусылары Зөһрә Фәтҡулла ҡыҙы Сәфәрғолова дәртләндереп кенә тора, ярышҡа ла үҙе алып йөрөргә тырыша. Хатта ҡайһы ваҡыт юлға киткән сығымдарҙы ла үҙ иҫәбенән ҡаплай. Был ҡыҙҙарҙың тағы ла бейегерәк үрҙәр яулауҙарын теләйбеҙ.