Уны Мәҙәни башланғыстарға булышлыҡ итеү буйынса Президент фонды ярҙамы менән “Тархан” туроператоры һәм Ғафури районы хакимиәте ойошторҙо. Фестивалгә Өфө, Стәрлетамаҡ, Салауат, Күмертау ҡалаларынан, Ишембай, Бөрө, Ауырғазы райондарынан 700-ҙән ашыу ҡунаҡ килгәйне. Шулай уҡ был сарала уҡыусыларҙың да ҡатнашыуы ҡыуандырҙы. Әле һеҙ күргән фотоһүрәттәге башҡорт үҫмер егеттәренең исемдәре лә матур: Ғәзинур, Ислам, Рамаҙан. Улар – Ишембай ҡалаһының Әхмәтзәки Вәлиди исемендәге 2-се башҡорт интернат- гимназияһының IV cиныф уҡыусылары. Бар яҡтан да өлгөлөләр. Гел ”дүртле” һәм “бишле” билдәләренә өлгәшәләр, шулай уҡ бик оҫта уҡсылар ҙа үҙҙәре. Милли йәйәнән уҡ атыу буйынса “Аҡтайлаҡ” клубында 4-се йыл шөғөлләнәләр. Етәкселәре – Зөһрә Фәтҡулла ҡыҙы Сәфәрғолова. Ғәзинур Ҡәҙерғолов "Уғатар – 21" бәйгеһендә республика чемпионы булһа, Рамаҙан Зарипов – "Уғатар – 22" чемпионы.Ә Ислам Мәүлитов фестивалдә өсөнсө урын яуланы.
Ҡалай маладистар! Уңыштар һеҙгә, мәргән уҡсылар!
Фото: vk.com