+22 °С
Дождь
Көслөләр, ҡыйыуҙар, етеҙҙәр
10 Мая 2023, 06:10
Хәйбуллалар - чемпион!
Аҡъярҙағы "Уңыш" стадионында мини-лапта буйынса Башҡортостан Республикаһы уҡыусылары спартакиадаһының финалы үтте. Унда Мәсетле, Күгәрсен, Архангел, Бүздәк, Краснокама, Тәтешле һәм Хәйбулла райондары командалары ҡатнашты.
Хәйбуллалар - чемпион!
Был уйында еңеү өсөн команданың һәр ҡатнашыусыһынан тиҙлек, етеҙлек, теүәллек, яйға һалынған команда эше талап ителә. 6 ҡыҙҙар командаһы һәм 7 егеттәр командаһы шундай сифаттар күрһәтте. Улар бөтә көстәрен һалып еңеү өсөн көрәште. Бөтә уйындар һөҙөмтәләре буйынса Хәйбулла районының Аҡъяр ауылы 2-се мәктәбенән егеттәр командаһы еңеүсе һәм чемпион булып танылды. Икенсе урынды Краснокама районы командаһы яуланы. Өсөнсө урынға Бүздәк районы командаһы лайыҡ булды.
Уйын йомғаҡтары буйынса ҡыҙҙар араһында беҙҙең Хәйбулла районы Аҡъяр ауылының 1-се мәктәбе командаһы еңеүсе булһа, икенсе урынға Тәтешле районы сыҡты. Ә өсөнсө урын Күгәрсен районы командаһына бирелде.
Гөлназ ИБРАҺИМОВА.
Хәйбулла районы.
Хәйбуллалар - чемпион!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
