Үҫмер Мостай Кәрим исемендәге 158-се башҡорт гимназияһының IX «А» синыфында белем ала. Бар фәндәрҙән яҡшы өлгәшә, олимпиадаларҙы ҡалдырмай. Ә шашкаға 23-сө спорт мәктәбенән килеп өйрәтәләр икән. Тәүге тренеры Рим Рафиҡ улы Ишмәтов була. Хәҙер алтынсы йыл инде Александр Павлович Мельниковта шөғөлләнә Искәндәр Янбаев.
Йыл һайын Башҡортостан Республикаһы чемпионы булып таныла. Рәсәй кимәлендәге еңеүҙәре лә һанап бөткөһөҙ. Белоруссия, Польшанан призлы урындар менән ҡайтҡаны бар. Ә ноябрь уртаһында Ҡаҙағстандың Павлодар ҡалаһында уҙған турнирҙа 1 алтын, 1 көмөш миҙалға лайыҡ була.
Башҡортостан, Удмуртия һәм Яҡутстан сатрашсылары илебеҙҙә иң көслөләрҙән һанала. Искәндәр ҙә ошо йәшендә – спорт мастерлығына кандидат.
– Улдарыбыҙ менән ғорурланабыҙ, – ти Малик Ғималетдин улы һәм Ләйсән Абдрахман ҡыҙы.
Алда телгә алып үткән Марат ағаһы әле ун беренселә уҡый. Ул да – спортсы: «Өфө» футбол клубы өсөн уйнай. Гимназияла алдынғыларҙың береһе ул, яңы ғына Әлфиә Кәримова ҡулынан Мостай Кәрим исемендәге грант алған.
Искәндәр үҙенә мәктәпте яҡшы тамамларға тигән маҡсат ҡуйған. Киләсәктә IT-технологиялар йүнәлеше буйынса китмәксе. Аҡыллы егет ул, булдырыр!