Был сара уҡыу эшмәкәрлегендә юғары ҡаҙаныштар күрһәткән төрлө фәнни, мәҙәни һәм спорт сараларында әүҙем ҡатнашҡан һәләтле уҡыусыларҙы дәртләндереү өсөн ойошторолдо. Талантлылар араһында 3 уҡыусымдың булыуы икеләтә шатлыҡлы күренеш. Бына улар: рухлы, телһөйәр, бар яҡтан да шәп XI синыф уҡыусыһы Зөлхизә Әйүпова, X синыф уҡыусылары Арыҫлан Шәйәхмәтов менән Булат Хурамшин. Һеҙҙең менән ғорурланам, уҡыусыларым! Алдағы йылдарҙа ла бар эшегеҙҙә лә тик уңыштар ғына насип булһын. Мин һеҙгә ныҡ ышанам!
Фәнгизә НАФИҠОВА, башҡорт теле һәм әҙәбиәте уҡытыусыһы.
Өфөләге Максим Горький исемендәге 3-сө гимназия.