+16 °С
Ясно
Көслөләр, ҡыйыуҙар, етеҙҙәр
17 Июня , 21:30
Романға — һарыҡ-бүләк!
Баймаҡ районы һабантуйында ҡыя бағанаға үрмәләү — иң матур ярыштарҙың береһе булғандыр, моғайын. Унда Беренсе Этҡол ауылынан 10 йәшлек Роман Йәнтүрин еңеү яулап, барыһын һоҡландырҙы! Быйылғы төп бүләк-һарыҡты алыу — бик көсөргәнешле бәйге булды, буғай.
Романға — һарыҡ-бүләк!
Ярышыусы дәғүәсеһен, киҫкен хәрәкәттәр яһап, бағананан этеп төшөрөргә маташа. Дәғүәсеһе лә бирешеп бармай, бүрәнәгә сат йәбешеп, цирк трюктарын башҡарғандай, бар көсөнә тырыша. Ҡарап тороуы — үҙе бер тамаша!
Романдың етеҙлегенә, оҫталығына һәм ныҡышмалылығына ҡарап туйғыһыҙ! Тәки ҡыйыу малай еңде бит! Әйткәндәй, был уның беренсе еңеүе түгел икән. Роман — көрәш буйынса район чемпионы һәм Еңеү көнөнә арнап уҙғарылған 12 километрлыҡ марафон призеры ла.
Афарин, Роман, алда ла еңеүҙәрең күп булһын!
Сығанаҡ һәм фото: Газета «Баймакский вестник»
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
