+12 °С
Ямғыр
Бөтә яңылыҡтар
Хәтер
16 Февраль 2018, 12:49
«Бөтәһе лә һуңлап килде миңә…»
Республика халҡы Башҡортостандың халыҡ шағиры Назар Нәжмиҙең тыуыуына 100 йыл тулыуын билдәләне. Ошо айҡанлы беҙҙең Белорет ҡалаһының Дауыт Юлтый исемендәге китапханаһы бөйөк ил улының юбилейына арнап «Шағир һәм заман» тип аталған хәтер аҙналығы ойошторҙо. Ул 24 ғинуарҙан 6 февралгә тиклем барҙы.
Республика халҡы Башҡортостандың халыҡ шағиры Назар Нәжмиҙең тыуыуына 100 йыл тулыуын билдәләне. Ошо айҡанлы беҙҙең Белорет ҡалаһының Дауыт Юлтый исемендәге китапханаһы бөйөк ил улының юбилейына арнап «Шағир һәм заман» тип аталған хәтер аҙналығы ойошторҙо. Ул 24 ғинуарҙан 6 февралгә тиклем барҙы.
Тәүге сара Нура ауылының «Йондоҙ» китапханаһында «Бөтәһе лә һуңлап килде миңә…» тип аталған тыуған яҡты өйрәнеү сәғәте менән асылды. Шағирҙың тормошона, ижад юлына байҡау яһалды, шиғырҙарынан, поэмаларынан өҙөктәр уҡылды. Драматургия, тәржемә өлкәһендә уңышлы эшләүе тураһында һүҙ алып барылды. Кисә аҙағында китап күргәҙмәһе менән танышыу булды, презентация күрһәтелде.
26 ғинуарҙа аҙналыҡты дауам итеп, Сосновка ауылының «Тамыр» китапханаһында «Күңел биттәре» әҙәби-музыкаль сәғәтенә йыйылдыҡ. Был күркәм сараға уҡыусылар, ағинәйҙәр, уҡытыусылар, Назар Нәжми ижадын яратыусылар килгәйне. Китапханасы Гилә Фәтҡуллина шағирҙың ижад емештәре менән таныштырҙы. Ағинәйҙәр башҡарыуында «Өфө йүкәләре», «Ҡышҡы романс» йырҙары яңғыраны. Барыһы ла яратҡан «Хуш, Хәйрүш!», «Күршеләргә ҡунаҡ килгән» пьесаларынан өҙөктәр ҡуйылды.
Унан эстафета Ғәбдүк ауылының «Йәшлек» китапханаһына күсте. Уның етәксеһе Сәриә Закирова «Күңелем моңдары» тип аталған әҙәби-музыкаль кисәне асып:
«Поэзия! Ихлас йәндәр иле,
Азат фекер, намыҫ, дан иле –
Пушкиндар һәм Лермонтовтар иле,
Туҡай кеүек изге йән иле,
Илаһилыҡ бар иткән бит һине!..» – тине.
Һуғыштың ҡот осҡос күренешенең шаһиты булған шағир еңеүгә ышана, был уның шиғырҙарында сағыла.
Һөжүм барҙы…
Күрәм – танк янған.
Сыға унан һуңғы төтөндәр.
Күрәм – танкист сыға алмай ҡалған
Ошо танк эсенән.
Асыҡ люктан көйгән ҡул һуҙыла
Һәм ҡыуалай төҫлө төтөндө.
Гүйә, һаман да һөжүмгә өндәй,
«Алға, дуҫтар!» – тигән шикелле.
Һәр бер шиғырынан һуң уның һүҙҙәренә яҙылған йырҙар яңғырап торҙо.
Шығай ауылының «Тамъян» китапханаһы ойошторған Башҡортостандың халыҡ шағирына арналған «Яҡтылыҡ юғарынан төшә» тигән хәтер кисәһенә йәше лә, ҡарты ла килгәйне. Унда Назар Нәжмиҙең бала сағы, йәшлек йылдары иҫкә төшөрөлдө. Күркәм кисәне китапханасы Венера Эниева, клуб директоры Сәғирә Сабирйән ҡыҙы Ғәлиуллина, художество етәксеһе Венера Рәхмәтова ойошторҙо.
1 февралдә юлдар беҙҙе Әхмәр ауылының «Гүзәл» китапханаһына алып килде. Унда шағирҙың юбилейына арнап китапхана етәксеһе Әлфиә Айса ҡыҙы клуб хеҙмәткәрҙәре менән берлектә «Был донъяға беҙ килгәнбеҙ икән, юҡҡа түгел, юҡҡа түгелдер» тигән әҙәби-музыкаль кисә әҙерләгәйне. Иртәгеһенә «Тылсымлы шиғриәт донъяһы» тип аталған кисә Исмаҡай китапханаһында уҙҙы. Аҙналыҡ Дауыт Юлтый исемендәге китапханалағы сара менән тамамланып ҡуйҙы.
Эйе, Назар Нәжми – башҡорт шиғриәтенең йөҙөн билдәләрҙәй бөйөк шағир. Уның үлемһеҙ әҫәрҙәре, бай ижады һүнмәҫ йондоҙ булып халыҡ күңелендә бик оҙаҡ балҡыр.
Флүрә ШАКИРОВА, Дауыт Юлтый исемендәге китапхана етәксеһе.
Белорет ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж