-6 °С
Болотло
Бөтә яңылыҡтар
Хәтер
22 Февраль 2019, 13:10
Артур Сурин иҫтәлегенә
Был көндө Хәйбулла районының Бәләкәй Арыҫланғол ауылындағы боҙ майҙансығы шау-гөр килеп торҙо. Артур Сурин иҫтәлегенә хоккей турниры ойошторолдо бит. Унда майҙан хужаларынан тыш, Әбеш, Йәнтеш, Аҡъярҙағы балалар-үҫмерҙәр спорт мәктәбе командалары ҡатнашты.
Йәш хоккейсылар көндөң һыуыҡ икәнен дә онотоп, боҙҙа ҡыҙыу алыштар барҙы. Көйәрмәндәр ҙә байтаҡ ине. Бына хәҙер икенсе йыл үткәрелгән турнирҙы ҡарарға олоһо ла, кесеһе лә йыйылды. Ни тиһәң дә, Бәләкәй Арыҫланғолда дәртле, сәмсел халыҡ йәшәй. Артур Шәйхетдин улы ошо ауылда тыуып үҫкән. Тынғыһыҙ, халҡы өсөн янып йәшәгән етәксе ине. Мәғариф министры урынбаҫары булып эшләгәндә башҡорт телен һаҡлауға, үҫтереүгә күп көс һалды, күрше өлкәләрҙә йәшәгән милләттәштәребеҙгә лә ярҙам күрһәтергә өлгөрҙө. Уны ныҡ хөрмәт иттеләр, һәр ҡайҙа ла танып торҙолар. Ҡыҙғанысҡа ҡаршы, бик иртә китеп барҙы арабыҙҙан…
Йылдар үтһә лә, ауылдаштары ла үҙен бер ҙә онотмай, яҡташтары күңелендә һаман да тере ул. Әбеш ауылы хакимиәте башлығы Таһир Юнысов та, мәктәптең элекке директоры Фазылйән Сурин да Артур Шәйхетдин улын хөрмәтләп иҫкә алды.
Ә хоккей турнирында аҡъярҙар еңеп сыҡты. Майҙан хужалары икенсе урын алһа, йәнтештәр өсөнсө булды. Бүләктәрҙе Артур Суриндың улдары Салауат һәм Урал әҙерләгәйне.
Рәхмәт ойоштороусыларға! Балаларҙы ныҡ ҡыуандырҙығыҙ. Ҡалаларҙа ғына түгел, ауылдарҙа ла улар хоккей ярата. Әбеш яҡтарында ла малайҙар, ҡыҙҙар шулай спортҡа ылыҡһын, һау-сәләмәт булып үҫһендәр.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89991334462.
Электрон почта
Адресы
450079, г. Уфа, ул. 50-летия Октября, 13, 8-й этаж