+29 °С
Болотло
Бөтә яңылыҡтар
Хәтер
6 Май 2021, 09:39
Батырҙар даны мәңге юйылмаҫ!
Бөйөк Еңеүҙең 76 йыллығын тантана итергә әҙерлек бара. Яу ҡырында ятып ҡалған яугирҙарҙы оло хөрмәт менән иҫкә алыу, әлеге ваҡытта иҫән-һау ғүмер кисереүсе ветерандарыбыҙҙы барлап, уларға ҡәҙер-хөрмәт күрһәтеү - беҙҙең бурысыбыҙ.
Ошо уңайҙан яҙҙың иҫ киткес илаһи матур иртәһендә беҙҙең 84-се татар гимназияһында Еңеү һәм «Үлемһеҙ полк» байраҡтарын тапшырыу тантанаһы ойошторолдо. Уны уҙғарыуға, уҡыусыларҙы патриотик рухта тәрбиәләүгә директорҙың уҡытыу-тәрбиә эше буйынса урынбаҫары Альбина Урал ҡыҙы Азаматова, уҡытыусы Нурфат Нурислам улы Тимеров күп көс һалды. Бөйөк Ватан һуғышы ветераны Кашшаф Әғләүетдин улы Сәмиғуллин байрамдың төп ҡунағы булды, тыл батырҙары ла саҡырылғайны.
Кашшаф олатайҙың, 99 йәше яҡынлашыуына ҡарамаҫтан, күңел күтәренкелеге һүрелмәй. Уның күҙ йәштәре аша йөрәк түренән сығып әйтелгән һүҙҙәре бер кемде лә битараф ҡалдырманы. Олатайҙың тормошо һәм батырлығы, илебеҙгә сикһеҙ һөйөүе һәм тоғролоғо, ҡыйыулығы һәм ҡаһарманлығы өлгө булып тора.
Йөкмәткеле сараны уҡыусыларҙың ихлас, ныҡлы әҙерлекле сығыштары биҙәне. Фәрзәлиә һәм Денис Ибраһимовтар етәкләгән балалар бейеү коллективының бейеүҙәре матур булды. IV синыф уҡыусыһы Руслан Бикбулатовтың (уҡытыусыһы – Раушания Рәмил ҡыҙы Гәрәева), XI синыф тан Азат Билаловтың (Людмила Алексеевна Зонова) нәфис һүҙ оҫталары булыуына һоҡланмаған кеше ҡалмағандыр.
Ҡунаҡтарға гимназия музейына экскурсия ла ойошторолдо. Тарихи материалдар, архив документтарына нигеҙләнгән мәғлүмәттәр, һуғыш яланынан яҙылған һарғайған өсмөйөшлө хаттар, фотоһүрәттәрҙе ҡарағас, ветерандарҙың йөҙөндә шатлыҡ та, борсолоулы һағыш та сағылды. Геройҙарыбыҙҙың иҫтәлеген ҡәҙерләп һаҡлаған өсөн улар уҡыусыларға ҙур рәхмәттәрен белдерҙе.
Бына ошондай иҫтәлекле осрашыу онотолмаҫ хәтирә булып күңел һандығында оҙаҡ һаҡланыр әле.
Мәүзилә ҮТӘЕВА,
башҡорт теле уҡытыусыһы.
Өфө ҡалаһы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж