Мәғәфүрә Ғәлиулла ҡыҙы 1922 йылда Саҡмағош районы Иҫке Ихсан ауылында тыуған. 1942 йылдан алып 1972 йылға тиклем Башҡорт дәүләт опера һәм балет театрында солист була. Ул алтмыштан ашыу образ ижад иткән. Шулар араһынан Жорж Бизеның «Кармен» операһындағы Кармен партияһы Мәғәфүрә Сәлиғәскәрованың иң яҡшы партияларының береһе була. Башҡорт халыҡ йырҙарын да («Бейеш», «Таштуғай») оҫта башҡарған ул.
Бар ғүмерен сәнғәткә бағышлаған опера йондоҙо Мәғәфүрә Сәлиғәскәрова башҡорт мәҙәниәте тарихында үҙ урынын алған һәм ул беҙҙең хәтерҙә оҙон-оҙаҡ йәшәр.
Фото: https://www.kino-teatr.ru/teatr/acter/w/sov/368037/foto/645948/