+12 °С
Ямғыр
Бөтә яңылыҡтар
Хоккей
22 Декабрь 2017, 12:58
Аҫҡа тәгәрәйбеҙ
Бер аҙналыҡ тәнәфес юлаевсыларға файҙаға булманы, ахыры. Ял итерҙәр, көс йыйырҙар, тиһәк, киреһенсә килеп сыҡҡан кеүек. Әле үткәргән ике уйында ла хоккейсыларыбыҙ тиҙ генә арыған һымаҡ күренде. Бөтәһе лә физик әҙерлеккә бәйле шул, ә тренерҙарыбыҙ ни ҡараған? Аңлашылмай…
Бер аҙналыҡ тәнәфес юлаевсыларға файҙаға булманы, ахыры. Ял итерҙәр, көс йыйырҙар, тиһәк, киреһенсә килеп сыҡҡан кеүек. Әле үткәргән ике уйында ла хоккейсыларыбыҙ тиҙ генә арыған һымаҡ күренде. Бөтәһе лә физик әҙерлеккә бәйле шул, ә тренерҙарыбыҙ ни ҡараған? Аңлашылмай…
Ҡазанда «Аҡ Барс»тан да, Сочиҙа ла 1:2 иҫәбенә отолдоҡ. Ике уйынға 1-әр гол ғына. Көйәрмәндәрҙе шуныһы аптырата: ҡайҙа беҙҙең һөжүм итеүселәр? Команданан командаға күсеп йөрөүсе Антон Бурдасовты ниңә саҡырғандар? Етмәһә, ҙур эш хаҡы түләп. Ә ул өмөттө бөтөнләй аҡламай, тегеләй-былай йүгереүҙән башҡаны белмәгән кеүек. Һуҡҡан шайбалары ҡапҡаға түгел, гел генә ҡапҡасыға эләгә.
Һаҡсыбыҙ Филип Ларсенға ла әллә ни булған, йыш хаталана. Ҡапҡасыбыҙ Бен Скривенс та һаман ышаныслы ғына уйнап китә алмай. Бер уйында һәйбәт торһа, икенсеһендә еңел генә голды үткәрә. «Сочи» менән осрашҡанда ла шулай булды.
«Салауат Юлаев» аҫҡа тәгәрәй, ул һигеҙенсе урынға төштө. Арттарынан «Себер», «Амур» ҡыуып етеп килә. Командабыҙҙың бындай ауыр хәлгә ҡалғаны юҡ ине. Тағы ла һигеҙ уйынды сит майҙанда үткәрәсәктәр. Шуларҙың иң яуаплыһы «Себер» менән 23 декабрҙә була. Хәл иткес уйындарҙың береһе инде. Еңелһәк, плей-оффҡа эләгеү ҡатмарлашасаҡ.
Уртаса командаға әйләнеп бара бит юлаевсылар. Ниңә бер ниндәй сара күрелмәй? Клуб етәкселәре баш тренер Эркка Вестерлундҡа артыҡ ныҡ ышана, һаман да уны яҡлай. Ә уйын юҡ. Ниңә баш тренерыбыҙҙың «А» планы килеп сыҡмаһа, «Б», «В» пландары юҡ икән? Уйын тактикаһы бер төрлө кеүек, был айырыуса күпселектә ҡалғанда күренә. Мәҫәлән, былтырғы миҙгелдә һаҡсы Александр Логиновты шул саҡта оҫта файҙаландылар, ул байтаҡ гол индерҙе, еңеү килтерҙе. Ә быйыл баш тренерыбыҙ күпселектә уйнағанда боҙға Логиновты түгел, һөжүм итеүселәр Артём Фёдоровты йә Антон Бурдасовты сығарған була. Күреп тораһығыҙ, гол юҡ.
Яңы йыл етергә күп ҡалмай. Көйәрмәндәргә республиканың төп командаһы яҡшы кәйеф бүләк итһен ине.
М. КӨЙӘРМӘНОВ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж