+12 °С
Ямғыр
Бөтә яңылыҡтар
Хоккей
8 Ноябрь 2019, 12:55
Вәт, исмаһам, Ҙур хоккей!
Юлаевсылар Мәскәүҙә «Динамо»нан еңелеп ҡуйҙы – 1:4. Ни эшләптер уйындары килеп сыҡманы, ә бит гол индерергә күпме мөмкинлектәр булды. Хатта иң мәргән хоккейсыбыҙ Никита Сошников та был осрашыуҙа оҫталығын күрһәтә алманы. Беҙҙекеләрҙән берҙән-бер голды капитаныбыҙ Григорий Панин индерҙе.
Ә бына Өфөлә «Динамо» (Минск) менән уйында командабыҙ ныҡ ҡыуандырҙы. Вәт, исмаһам, Ҙур хоккей! Ҡунаҡтарҙы ҡыйратып ҡайтарып ебәрҙеләр – 9:1. Әйткәндәй, хәҙер Линус Умарк һәм Теему Хартикайнен менән бергә Александр Бурмистров уйнай башланы. Өсәүһенә ике гол индерҙеләр. Шулай ҙа был көндө Никита Сошников менән Александр Кадейкин һоҡландырҙы. Улар иҫәбендә – икешәр гол.
Хоккейҙа ла каникул бар. «Салауат Юлаев» та 12 ноябргә тиклем ял итә, көс йыя. Кемдәр Рәсәй йыйылма командаһына саҡырылған, улар өсөн уйындар дауам итә. Беҙҙең Никита Сошников, Александр Кадейкин һәм Артём Сергеев Финляндияла уҙған турнирҙа ҡатнаша. Ә йәш хоккейсыбыҙ Родион Әмиров Канадала илебеҙ данын яҡлай. Ул Рәсәй йәштәр йыйылма командаһы өсөн уйнай. Уңыштар теләйек яҡташтарыбыҙға!
Был оҙайлы ғына ялдан һуң юлаевсыларҙы сит майҙанда береһенән-береһе ҡатмарлы алыштар көтә. Алдан әйткәнебеҙсә, 12 ноябрҙә «Динамо» (Рига) менән осрашһалар, 14-ендә – ЦСКА (Мәскәү), 16-һында – «Локомотив» (Ярославль) һәм 18-ендә «Авангард» (Омск) менән ҙур һынауҙар буласаҡ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж