+13 °С
Болотло
Бөтә яңылыҡтар
Хоккей
16 Октябрь 2020, 14:06
Метсола менән Хартикайнен да һауыҡты
Ниһайәт, «Барыс» менән Өфөлә уйнағанда Юха Метсола, Сакари Маннинен, Теему Хартикайнен, Владимир Жарков, Александр Кадейкин һәм Данил Башкировтар боҙға сыҡты.
Көйәрмәндәрҙең нисек ҡыуанғанын күрһәгеҙ! Хәҙер инде Маркус Гранлундтың һауығыуын көтәбеҙ. Юғиһә, йәштәр менән генә тороп ҡалғайны бит командабыҙ...
Ҡазандан ҡайтҡас, юлаевсылар Өфөлә өс уйын үткәреп өлгөрҙө. «Себер»ҙе (Новосибирск) 4:3 иҫәбенә оттоҡ. Ә бит 0:2 менән еңелеп баралар ине, ярай әле үҙҙәрендә көс табып, йәһәт кенә иҫәпте тигеҙләй алдылар. Голдарҙы Илья Баранов менән Михаил Воробьёв индерҙе. Шунан тағы «Себер» алға сыҡты. Юлаевсылар һөжүм артынан һөжүм ойоштороп, иҫәпте йәнә тигеҙләп ҡуйҙы (әлеге лә баяғы Илья Баранов).
Төп һәм өҫтәмә ваҡытта ла еңеүсе асыҡланмағас, буллит һуҡтылар. Бында инде Родион Әмиров мәргәнлеген күрһәтте – 4:3!
Ҡыҙғанысҡа ҡаршы, ЦСКА (Мәскәү) хоккейсыларынан 2:4 иҫәбенә отолоп ҡуйҙыҡ. Был команда иң күп мәрәй йыйған. Беҙҙең йәштәргә уларға ҡаршы тороуы ныҡ ҡыйын булды. Әйтергә кәрәк: был көндө юлаевсыларҙың уйыны бөтөнләй барманы. Ике генә гол индерә алдылар (Филип Ларсен, Михаил Воробьёв), ә башҡаға хәлдәре етмәне.
«Барыс» менән уйынды матур ғына башлап ебәргәйнеләр. Шакир Мөхәмәҙуллин менән Александр Алексеев ике гол индереп, иҫәп 2:0 булғайны. Еңел генә еңербеҙ кеүек ине. Юҡ икән, Ҡаҙағстан хоккейсылары уйын аҙағында иҫәпте тигеҙләп кенә ҡалманы, овертаймда еңеүгә лә иреште. Ярай, ни эшләйһең, оҙаҡ уйнамай тороп, боҙға яңы ғына сыҡҡан лидерҙарыбыҙға ваҡыт кәрәк. Алышҡа улар әлегә ныҡлы әҙер түгел. Хоккейсылар әйткәнсә, формаға килергә кәрәк, ә быға уйнай-уйнай ғына ирешәһең.
Командабыҙ артабан һынауҙарҙы сит майҙандарҙа үтәсәк. Улар кисә Мытищиҙа «Куньлунь Ред Стар» менән осрашһа, ә 17 октябрҙә – «Авангард» (Омск), 19-ында – «Сочи» һәм 21-ендә «Витязь» (Подольск) менән алыш көтә.
Еңеп ҡайтығыҙ, юлаевсылар!
М. КӨЙӘРМӘНОВ.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж