-13 °С
Болотло
TelegramТестарVKOK
Бөтә яңылыҡтар
Хоккей
16 Октябрь 2020, 14:15

Әмиров – 15-се, ә Мөхәмәҙуллин – 20-се

НХЛ-да 2020 йылғы драфт, йәғни командалар араһында яңы уйынсылар һайлауҙың беренсе раунды тамамланды.


Әйткәндәй, быйылғы хоккей драфты 7 октябрҙә онлайн рәүештә үтте. Беренсе һан менән «Нью-Йорк Рейнджерс»ҡа Алексис Лафренье һайланды. Рәсәйҙекеләр арттараҡ: Ярослав Асҡаров (СКА, Санкт-Петербург) – 11-се, ә Родион Әмиров – 15-се, Шакир Мөхәмәҙуллин – 20-се, Егор Чинахов («Авангард», Омск) – 21-се урында.

Алла бирһә, быйыл уҡ түгел, бер нисә йылдан Родион Әмиров «Торонто Мэйпл Лифс» клубына саҡырыласаҡ.

– Күптәнге хыялым тормошҡа ашты, мин бәхетле! Төнө буйы йоҡламайса драфт барғанын күҙәттем. Иң беренсе булып мине атай-әсәйем, агенттарым ҡотланы, – ти Родион.


– Минең дә ҡыуанысымдың сиге юҡ! «Нью-Джерси» лигала иң яҡшы, өлгөлө клубтарҙың береһе һанала. Драфт еткәнен түҙем­һеҙләнеп көттөм. Рәсәйҙән тәүҙә беҙ дүртәү һынауҙы үттек. Шулар араһында үҙемдең һәм Родион Әмировтың булыуына бик һөйөндөм. Мин генәме икән, әсәйем, атайым, туғандарым, дуҫтар, таныштар – ҡотлауҙар яуҙы ғына...

Драфт үтте. Хәҙер миңә тағы ла нығыраҡ тырышырға, «Салауат Юлаев»ҡа Гагарин кубогын яуларға ярҙам итергә кәрәк, – тип белдерҙе Шакир.

Ғөмүмән, драфт ете раундта дауам итте. Барлығы НХЛ өсөн Рәсәйҙең 23 йәш хоокейсыһы һайлап алынды. Был исемлектә беҙҙең клубтан тағы бер уйынсы бар: 2003 йылғы Александр Пашин (199-сы һан менән). Ул да бик өмөтлө күренә. Әле «Салауат Юлаев» өсөн дә бер нисә уйын үткәреп өлгөрҙө. Йәш һөжүм итеүсене «Каролина Харрикейнз» клубы һайлаған.


М. ХӘЙБУЛЛИН.


Читайте нас в