+17 °С
Болотло
Бөтә яңылыҡтар
Хоккей
23 Октябрь 2020, 21:17
Данил Башкиров та тәүге голын индерҙе
Юлаевсылар сит майҙанда дүрт уйын үткәреп ҡайтты.
Тәүҙә Мытищиҙа «Куньлунь Ред Стар» (Пекин) менән осраштылар. Дмитрий Кугрышев менән Данил Башкиров (тәүге голы) иҫәпте 2:0 иткәс, еңел генә еңербеҙ, тип уйлағандыр күп көйәрмәндәр. Етмәһә, был көндө Маркус Гранлунд та уйнарға сыҡҡайны. Юҡ икән шул, иң артта килгән командаға беҙҙекеләр тағы мәрәй «бүләк итте» инде. Ҡытай клубы иҫәпте тигеҙләп кенә ҡалманы, уйындың аҙаҡтарында өс гол индереп, еңеп тә ҡуйҙы – 3:5. Аптыратты юлаевсылар, көсһөҙ команданан отолоп тораларсы.
Әйткәндәй, беҙҙекеләрҙән өсөнсө гол – Теему Хартикайнен иҫәбендә. Ул КХЛ тарихында «Салауат Юлаев» клубы рекордын да ҡуйҙы. Командабыҙҙа 2013 йылдан уйнап, 468 матчта 339 мәрәй (149 гол + 190 пас) йыйҙы. Теему был уйында Линус Умаркты (338) уҙып китте. Өсөнсө урында – Александр Радулов (299).
Ә бына Балашихала «Авангард» (Омск) менән уйнағанда һоҡландырҙы командабыҙ. 0:2 иҫәбе менән отолоп барған ерҙән, үҙҙәрендә көс табып, еңеүгә ирештеләр – 4:3. Был алышта Теему Хартикайнен, Маркус Гранлунд, Пётр Хохряков һәм Никита Сошников мәргәнлек күрһәтте. Буллит һуғып, ике мәрәй яуланылар.
«Сочи» менән уйында иһә яңы ҡапҡасыбыҙ Даниил Тарасов ҡыуандырҙы. Ныҡ оҫта, ышаныслы торҙо. Бер гол да үткәрмәне. Шуға ла 2:0 иҫәбенә еңдек тә. Беҙҙекеләрҙән голды әлеге лә баяғы Теему Хартикайнен һәм һаҡсы Александр Алексеев индерҙе.
Подольскиҙа «Витязь» менән алышты ла матур ғына башлағайны юлаевсылар. Юҡ инде, уйын аҙағында ике гол үткәреп, отолоп ҡайтып киттеләр. Был уйында лидерҙарыбыҙға әллә ни булды. Бер гол индерә алманылар. Ҡапҡасыбыҙ Юха Метсола ла ҡотҡарманы.
– Сит майҙанда бер-бер артлы дүрт уйын үткәрҙек бит. Яңы ғына боҙға сыҡҡан хоккейсыларыбыҙ бөгөн үҙҙәрен күрһәтә алманы. Уйын аҙағында улар арыны, шуға ла хаталаныуҙар китте, – тип аҡланды баш тренерыбыҙ Томи Ламса.
Эйе, ысынлап та, хәлдәре бөткән һымаҡ күренде. «Витязь» менән уйнағанда дүрт голдың өсөһөн боҙға Хартикайнен, Гранлунд һәм Маннинен сыҡҡанда үткәрҙек. Бер ҙә улай булғаны юҡ ине.
Дүртенсе уйында 3:4 иҫәбенә еңелдек. Юлаевсыларҙан голдар – Александр Кадейкин, Владислав Картаев һәм Филип Ларсен иҫәбендә.
Командабыҙ Өфөгә ҡайтты. 26 октябрҙә – «Локомотив» (Ярославль), ә 28-ендә «Амур» (Хабаровск) менән алыш көтә. Унан инде 30-ында Магнитогорскиҙа «Металлург» менән уйнаясаҡтар.
М. КӨЙӘРМӘНОВ.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж