-6 °С
Ясна
Бөтә яңылыҡтар
Китапхана эше йәнле
26 Июнь 2020, 12:05
Кескәйҙәр менән әҙәби сәйәхәт
Беҙҙең китапханала бөйөк урыҫ яҙыусыһы Александр Пушкинға һәм уның тыуған көнөнә арнап «Лукоморье иленә әҙәби сәйәхәт» ойошторолдо. Ул онлайн рәүештә 1-се һәм 44-се балалар баҡсалары тәрбиәләнеүселәре, китап һөйөүселәр ҡатнашлығында уҙҙы.
Виртуаль сәйәхәт барышында балалар Александр Пушкиндың тылсымлы әкиәттәр донъяһына башкөллө сумды, әҫәрҙәренән өҙөктәр тыңланы, йомаҡтар һәм ребустар систе, викторина һорауҙарына яуап бирҙе. Лукоморье иленең билдәһеҙ һуҡмаҡтары буйлап кескәй ҡунаҡтарҙы Уҡымышлы Бесәй оҙатып йөрөп, яратҡан шағирыбыҙҙың ижады һәм тормошо тураһында һөйләне, әкиәт персонаждары менән таныштырҙы.
44-се балалар баҡсаһынан Маша Егорова, Лев Зверев, Олеся Семёнова бик тасуири итеп әкиәттәрҙән өҙөктәр уҡыны, ә Саша Чугреева, Вика Захарченко, Савелий Губадеев, Катя Супряга, Амелия Яппарова барыбыҙҙы ла «Пушкин урманында» тигән темаға төшөрөлгән матур рәсемдәре менән һөйөндөрҙө. 1-се балалар баҡсаһынан Камил Ғибәҙәтов, Элиза Әхмәтйәнова, Камил Алтынбаев, Мәликә Кәримова ата-әсәләре менән берлектә үҙҙәрен Александр Пушкиндың ижадын яҡшы белеүселәр итеп танытты. Уҡымышлы Бесәйҙең сетерекле һорауҙарына теүәл яуап бирҙе улар.
Китапхана менән бик әүҙем хеҙмәттәшлек иткән өсөн айырыуса ҙур рәхмәтебеҙҙе 44-се балалар баҡсаһы тәрбиәсеһе Рәзилә Ҡолмөхәмәт ҡыҙы Назырбаеваға еткергебеҙ килә. Ойошторолған сарабыҙ «Минең яратҡан әкиәт геройым» тип аталған балалар һүрәттәре конкурсын иғлан итеү менән тамамланды.
Флүрә ШАКИРОВА, Дауыт Юлтый исемендәге моделле китапхана етәксеһе.
Белорет ҡалаһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж