+7 °С
Болотло
Бөтә яңылыҡтар
Китапхана эше йәнле
25 Сентябрь 2020, 11:20
Сәләмәтлек сәғәте
Китапханабыҙҙа февраль айынан «Сәләмәтлек мөйөшө» эшләп килә. Әлеге көндә бик ныҡ таралған ауырыуҙар тураһында, бигерәк тә пандемияға ҡағылышлы мәғлүмәттәрҙе стенд аша үҙебеҙҙең китап уҡыусыларыбыҙға еткереп торабыҙ.
Төркөм менән йәки айырым рәүештә балаларҙы бындағы яңылыҡтар, статистика менән таныштырып барабыҙ, кәрәкле дарыуҙар менән тулыландырылған аптечка бар. Кемдер үҙен насарыраҡ һиҙгән осраҡта тиҙ генә температураһын йәки ҡан баҫымын үлсәп алабыҙ. Китапханаға килеүселәр шулай уҡ китаптар, дарыу үләндәренән эшләнгән сәйҙәр, төрлө еләктәрҙең ҡайнатмалары менән таныша. Сәләмәт тормошҡа арналған кисәләр ҙә ошонда уҡ ойошторола.
Яңыраҡ 3-сө мәктәптең II «Б» синыфы өсөн китапхана буйлап экскурсиянан һуң «Сәләмәт булыу – ул бик шәп!» тип аталған сәләмәтлек сәғәтен үткәрҙек. Уның барышында балалар һаулыҡтары менән бәйле күп һорауҙарға яуап тапты, тоҙ һәм шәкәрҙе күп ашарға ярамағанлығын, уларҙы ниндәй йәшелсә, емеш-еләк менән алыштырырға мөмкинлеге тураһында бик күп мәғлүмәт алды, йомаҡтар систе. Яҙыусыларҙың һаулыҡ, таҙалыҡ, бөхтәлек тураһында бик ҡыҙыҡлы шиғырҙары ла уҡылды.
Сара аҙағында балалар сәләмәт булыу өсөн ни эшләргә кәрәклеге тураһында үҙ фекерҙәре менән уртаҡлашты, яҡындан «Сәләмәтлек мөйөшө» менән танышты.
Флүрә ШАКИРОВА, Дауыт Юлтый исемендәге башҡорт модель китапханаһы етәксеһе.
Белорет ҡалаһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50-летия Октября, 13, 8-й этаж