-7 °С
Болотло
TelegramТестарVKOK
Бөтә яңылыҡтар
Китапхана эше йәнле
15 Ғинуар 2021, 12:27

Балаларға - матур байрам

Баш ҡалабыҙҙың Спорт һарайы алдындағы майҙансыҡта 11-се, 38-се моделле балалар китапханалары хеҙмәткәрҙәре Октябрь районы хакимиәте менән берлектә матур байрам ойошторҙо.

Китапханасылар Ҡыш бабай, ҡыш, көлдөрөүсе булып, ҡыҙҙар һәм малайҙарға «Ҡышҡы уйындар», «Маҡсатыңа эләк», «Шыршыны йый» кеүек уйындар, конкурстар үткәрҙе. Ата-әсәләр ҙә балаларын ҡеүәтләп, ҡул сабып торҙо. Бергәләп йырҙар башҡарыу ҙа байрам кәйефе өҫтәне.

Ҡышҡы каникул көндәрендә беҙҙең китапханала «Ҡыш бабайҙың оҫтаханаһы» ла эшләне. Бында яһаған ҡар бабайҙар бигерәк тә һоҡланып туймаҫлыҡ! Оҫталыҡ дәресендә атай-әсәйҙәр ҙә, балалар ҙа әүҙем ҡатнашты.

Элеонора СӘЙЕТГӘРӘЕВА, 38-се моделле балалар китапханаһы мөдире.

Өфө ҡалаһы.
Читайте нас в