+25 °С
Болотло
TelegramVKOK
Бөтә яңылыҡтар
Китапхана эше йәнле
22 Ғинуар 2021, 12:18

Уҡы, хыяллан, уйлап тап!

Уйлап табыусы балалар көнө уңайынан Өфөнөң 42-се моделле балалар китапханаһында «Уҡы, хыяллан, уйлап тап!» тигән кисә уҙғарылды.

Ҡыҙҙар һәм малайҙар танып-белеүсе китаптар аша кемдәрҙең уйлап табыусылар булыуын, бала көйөнсә ниндәй асыштар яһарға мөмкин икәнлеген белде.

Китапханала көн дауамында төрлө майҙансыҡтар эшләне. Йәш китап уҡыусылар «Уҡы, хыяллан, уйлап тап!» конструктор бюроһы эшендә ҡатнашты. Бында улар йыһан ракетаһы төҙөп, уға исем уйланы. «Кескәйҙәр өсөн лицей» фәнни-әҙәби май­ҙансығында ла булып, әкиәт оҫталары һәм китап сығарыусылар хаҡында йыйынтыҡтар менән дә таныштылар. Улар «Уйлап табыусылар ҡалаһы»нда фәнни тәжрибәләр үткәреүҙә лә ихлас ҡатнашты.

Г. ИБРАЕВА.
Читайте нас: