+20 °С
Облачно
Китапхана эше йәнле
19 Апреля 2021, 06:24
«Китапхана төнө» 24 апрелдә үтәсәк
Йыл һайын уҙғарылған «Китапхана төнө» Бөтә Рәсәй акцияһы унынсы тапҡыр ойошторолоп, Фән һәм технологиялар йылына арналасаҡ. Уның юбилей йылы темаһы «Китап – йондоҙҙарға юл» тип исемләнгән.
Рәсәй Федерацияһының Мәҙәниәт министрлығы, «Культура.РФ» Рәсәйҙең мәҙәни мираҫы һәм традициялары порталы үткәргән проектҡа Өфө ҡалаһының үҙәкләштерелгән киң күләмле китапханалар системаһы ла ҡушыла. Улар китап һөйөүселәргә һәм ҡунаҡтарға алты сәғәтлек онлайн-марафон форматында ҡыҙыҡлы, бай йөкмәткеле программа әҙерләгән. Әйткәндәй, «Китап ваҡыт ағымында» тигән дөйөм тема буйынса уҙасаҡ. Үткәреү ваҡыты – киске сәғәт 6-нан төнгө 12-гә тиклем. Онлайн-марафон бер нисә майҙансыҡты үҙ эсенә ала:
– «Китап – йондоҙҙарға юл» майҙансығы кешенең йыһанға тәүге тапҡыр осоуына 60 тулыуға арнала, Өфө ҡала планетарийы менән таныштырасаҡ, тәүге космонавт Юрий Гагариндың тормошо һәм уңыштары хаҡында бәйән итәсәк.
– «Сикһеҙ фән» майҙансығы Фән һәм технологиялар йылы уңайынан ҡыҙыҡлы һәм мауыҡтырғыс фәнни тәжрибәләр, фәнни-танып белеү экскурсиялары, виртуаль китап күргәҙмәләре, оҫталыҡ дәрестәре тәҡдим итәсәк.
– «Һаулыҡ коктейле» майҙансығы Һаулыҡ һәм әүҙем оҙон ғүмерлелек йылына бағышлана. Бында сәләмәт туҡланыу, зарядканы дөрөҫ яһау, файҙалы десерттар әҙерләү тураһында һүҙ алып барыласаҡ.
– «Китаптар аша тарихҡа» майҙансығы Башҡорт тарихы йылына арналып, Өфө Кремле тарихына сумырға, Башҡортостандың ете мөғжизәләрен белергә, башҡорттарҙың үҙенсәлектәрен асырға ярҙам итәсәк.
–"Традициялар – тере еп» майҙансығы Бөтә донъя фольклориадаһына арналып, Башҡортостанда йәшәүсе халыҡтарҙың мәҙәниәте төрлөлөгөн күрһәтәсәк.
– «Әҙәби бит» майҙансығында шағир, журналист, федераль премиялар һәм әҙәби конкурстар лауреаты Илья Боровский ижадын тәҡдим итәсәк. Шулай уҡ күләгәләр театры һәм Өфө бардтарының сығыштары көтөлә.
«Китапхана төнө» тураһында тулыраҡ мәғлүмәтте ошо һылтанма буйынса алырға була.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
