+13 °С
Облачно
Китапхана эше йәнле
19 Июня 2021, 08:27
Салауат Юлаевҡа арнап
Башҡорт халҡының милли геройы Салауат Юлаевҡа арнап 30-сы моделле балалар китапханаһында әҙәби сара үткәрҙек.
Ул йыл да уҙғарыла торған «Йәй һәм китап» бәйгеһенә ярашлы ойошторолдо. Ҡунаҡҡа 75-се мәктәптең йәйге лагерында ял итеүселәр килгән ине.
Әңгәмә барышында балалар Салауат Юлаевтың тормош юлы һәм ижады тураһында күп мәғлүмәт алды. Шағирҙың «Уралым», «Егеткә», «Уҡ» шиғырҙарын иҫкә төшөрҙөләр. Алып барыусы уның ижад емештәре патриотик хистәр менән һуғарылған булыуын уҡыусыларға еткерҙе. Балалар батырҙың ялҡынлы телмәре, сәсән теле менән иҙелгән, йәберләнгән халҡын яҡлап, ер-һыу, азатлыҡ өсөн көрәшкә күтәрелгәнен белде.
Осрашыу барышында ҡыҙҙар, малайҙар Салауат Юлаев тураһында видео ҡараны, ҡыҙыҡһындырған һорауҙарына яуап алды.
Зәйтүнә ХАЖИЕВА,
китапханасы.
Өфө ҡалаһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
