+17 °С
Ямғыр
Китапхана эше йәнле
27 Август 2021, 04:20
Шайморатов генералға арналды
Беҙҙең 44-се моделле балалар китапханаһының тыуған яҡты өйрәнеү залында «Шайморатов генерал» тигән тарих сәғәте үткәрелде.
Шайморатов генералға арналды
Унда «Миңлеғәле Шайморатов» йәштәр клубы вәкилдәре лә ҡатнашты.
Миңлеғәле Минһажетдин улы Бөйөк Ватан һуғышында үҙен оҫта һәм ҡыйыу командир итеп күрһәтә. Ул ойошторған 112-се башҡорт кавалерия дивизияһы фронтта данлы хәрби юл үтеп, Бөйөк Еңеүҙе Германияла ҡаршылай.
Сара барышында китапханасы ошо дивизия һәм уның командиры – генерал-майор Миңлеғәле Шайморатов хаҡында һөйләне. Башҡорт халҡының батыр улына арналған китап менән дә таныштырҙыҡ. Алып барыусы билдәләүенсә, генерал-майорҙың биографияһы йылдан-йыл яңы мәғлүмәттәр менән тулылана бара икән, барыһында ла ул Тыуған илен яратҡан ҡурҡыу белмәҫ кеше булараҡ һынландырыла.
Римма ИРДИГИТОВА.
Өфө ҡалаһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
