Балаларҙың төрлө һөнәр тураһында белемдәрен арттырыу, ата-әсәләренең хеҙмәтенә хөрмәт тәрбиәләү, фекерләү ҡеүәһен үҫтереү әңгәмәләшеүҙең төп маҡсаты булып торҙо. Һәр береһе ярыша-ярыша ата-әсәләренең кем булып эшләүҙәре тураһында һөйләне.
Китапхана мөдире хәҙерге заманда ниндәй һөнәрҙе һайлау отошло булыуын аңлатты. Яратҡан эшеңә үҙеңде бәләкәйҙән әҙерләй башларға, бының өсөн күп китаптар уҡырға, уҡытыусылар, ата-әсәләр менән кәңәшләшеп торорға кәрәклеген дә еткерҙе ул.
«Һөйләмде тамамла» тигән уйын, хеҙмәт тураһында мәҡәлдәрҙе иҫкә төшөрөү, йомаҡтар сисеү ҙә уҡыусыларға биҡ оҡшаны.
Илзирә ҒАРИФУЛЛИНА.
Өфө ҡалаһы, Рауил Бикбаев исемендәге 102-се башҡорт гимназияһы.