Афған һуғышы (1979 – 1989) – беҙҙең илдең нисек итеп күрше илгә ярҙам ҡулы һуҙғанлығының иң билдәле һәм масштаблы үрнәге. Шул осорҙа Совет Армияһының 525 мең 500 һалдаты һәм офицеры, 95 мең хәрби, КГБ һәм МВД хеҙмәткәре был һуғышта ҡатнаша. Ә уларҙың күпмеһе һәләк булды, яраланды һәм хәбәрһеҙ юғалды…
Балаларҙың ҡайһы берҙәре Афған һуғышы тураһында ишеткәне, фильм ҡарағаны булған, ә кемдәрҙер беренсе тапҡыр ишеткәнлеген әйтте.
Батырлыҡ – ул рухи матурлыҡ... Ана шуға күрә лә халҡыбыҙ кеше күңеленең рухи бөйөклөгөн юғары баһалаған. Батырҙарҙың ҡылған изге ғәмәлдәре, данлы исемдәре әкиәттәргә, йырҙарға күскән. Шул олуғ батырлыҡ алдында беҙҙең осор кешеләре генә түгел, киләһе быуаттарҙа йәшәүселәр ҙә баштарын эйерҙәр әле…
Зәйтүнә ХАЖИЕВА, китапханасы.
Өфө ҡалаһы,
30-сы моделле балалар китапханаһы.