Балалар менән бергәләп ололар ҙа әкиәт уҡыған, йомаҡ ҡойған, ребустар сискән. Хатта ике командаға бүленеп, ярыштар-уйындар ҙа ойоштороп ебәргәндәр. Ейән-ейәнсәрҙәренә шундай иҫтәлекле ял бүләк иткән Әминә һәм Илдар Балхиндар, Фирҙәүес Мөхтәсип ҡыҙы, Рәмилә Салауат ҡыҙы маҡтауға лайыҡ. Шулай уҡ ауыл китапханаһының тоғро дуҫтары Шайморат менән Айзилә лә ярышта ихлас ҡатнашҡан. Баҡтиһәң, улар бер саранан да ситтә ҡалмай икән.
Бына шулай буранбайҙар күңелле йәшәй!