+28 °С
Болотло
Китапхана эше йәнле
23 Май 2022, 04:25
Матур байрам үткәрҙек
Май етеү менән бер-бер артлы байрамдар башланды. Ныҡ күңелле булды! 1 Май, 9 Май үтеүгә Халыҡ-ара ғаилә көнө лә ишек шаҡыны.
Матур байрам үткәрҙек
Уны ла көтөп алдыҡ. Был иҫтәлекле датаға арнап «Берҙәм татыу ғаилә» тигән уйын программаһы әҙерләнек. Көнө буйы китапханабыҙҙа шатлыҡлы, күңелле ауаздар ишетелеп торҙо. Балалар атай-әсәйҙәре менән ҡурсаҡ театрҙары ҡуйған спектаклдәрҙә ихлас ҡатнашты. Шулай уҡ Ғаилә көнөнә арнап китап күргәҙмәһе лә ойошторолдо.
Татыу ғаиләләр лего-конструктор уйынында ла һынатманы. Бергәләп төрлө ҡоролмалар, һындар, өйҙәр, машиналар төҙөнөләр. Ҡарап тороуҙары ҡыҙыҡ ине.
Ғаилә – йылы усаҡ. Ул һәр саҡ йылылыҡ бөркөп торһон.
Зәйтүнә ХАЖИЕВА, китапханасы.
Өфө ҡалаһы, 30-сы моделле балалар китапханаһы.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
