+28 °С
Болотло
Китапхана эше йәнле
2 Июнь 2022, 09:25
Фольклор донъяһына сәйәхәт
Өфөнөң 38-се моделле балалар китапханаһы уҡыусылары «Халыҡсан, стилле һәм модалы!» девизы менән фольклор донъяһына үҙенсәлекле сәйәхәт ҡылды.
Китапхананың милли халыҡ стилендә биҙәлгән дүрт майҙансығында балалар халыҡ кейемдәре, көнкүреш әйберҙәре, ғөрөф-ғәҙәттәре менән танышты. Китапхана хеҙмәткәрҙәре менән яман күҙҙән һаҡлаусы уйынсыҡ та эшләнеләр.
«Иначе» театр студияһы ҡунаҡтарға изгелек, яманлыҡ, ғәҙеллек тураһында әкиәт тамашаһы ла тәҡдим итте.
«Әкиәттәр яланы»нда балалар халыҡ әкиәттәре буйынса квест үтте, викторинала ҡатнашты. Ә йәнһүрәттәр залында фәһемле йәнһүрәттәр күрһәтелде. Теләге булғандар өсөн фотозонала матрёшкалар менән иҫтәлеккә фотоға төшөү ойошторолдо.
Элеонора СӘЙЕТГӘРӘЕВА.
Өфө ҡалаһы, 38-се моделле балалар китапханаһы.
Фольклор донъяһына сәйәхәт
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
