Маршрут ҡағыҙы алғандан һуң балалар өлкәндәр менән бергә йәйәүләп сәйәхәткә юлланды.
Әллә ни оҙон юл үтмәһәләр ҙә, Зорге урамының бай тарихлы булыуын күреп хайран ҡалды балалар, үҙҙәре өсөн күп яңылыҡ астылар.
Ҡыҙҙар һәм малайҙарҙың ҡайһы берҙәре тәүге Өфө аэропорты бинаһын, Ғәзиз Әлмөхәмәтов, Владимир Ленин һәйкәлен, спорт буйынса тренер Сергей Михалёвтың исеме менән аталған скверҙы, Рихард Зорге исеме яҙылған алтаҡтаны беренсе тапҡыр күрҙе. Тағы ла әллә күпме таныш булмаған иҫтәлекле урындарҙы осратты улар.
Уйын-квест барыһына ла оҡшаны. Бик күп мәғлүмәттәр туплап, яңы тәьҫораттар алып, ҡыуанышып ҡайтты балалар.
Элеонора СӘЙЕТГӘРӘЕВА.
Өфө ҡалаһы, 38-се моделле балалар китапханаһы.