– Мин үҙ һөнәремде ныҡ яратам. Һүрәт төшөрөү – эшем дә, йәшәүгә көс биреүсе илһам сығанағым да. Дизайнер, архитектор, модельер, декорациялар һәм костюмдар буйынса рәссам булһынмы – барыһы ла тормошта берҙәй кәрәкле, – тине ул үҙ сығышында.
Ҡунағыбыҙ уҡыусыларҙы үҙе ижад иткән картиналар менән таныштырҙы, рәссамдың эш ҡоралдары, һынлы сәнғәт хаҡында һөйләне.
Ҡыҙҙар һәм малайҙар үҙҙәрен ҡыҙыҡһындырған һорауҙарға яуаптар алып та ҡыуанды.
Матурлыҡҡа ғашиҡ рәссам менән осрашыу һәр кемдең күңеленә хуш килгәндер, моғайын.
Айгөл ЙӘҺҮҘИНА,
китапханасы.
Өфө ҡалаһы, 47-се моделле балалар китапханаһы.