Дүрт станциянан торған квест музейҙа башланып китте. Ҡатнашыусылар, хеҙмәткәрҙәр әҙерләгән һорауҙарға яуап биреп, артабан балалар китапханаһына юлланды. Бында улар 112-се кавалерия дивизияһы тураһында мәғлүмәт алды. Шайморатов генерал исемен йөрөткән урам менән танышыу ҙа файҙалы булды. Һуңғы станция – Еңеү паркында ҡыҙҙар һәм малайҙар дивизия составында һуғышҡан яҡташыбыҙ, Советтар Союзы Геройы Ҡәйүм Әхмәтшиндың ейәнсәре Римма Ибраһимова менән осрашты. Римма Фәттәх ҡыҙы балаларға яугир ҡартатаһы тураһында һөйләне.
Патриотик сара бик матур, фәһемле үтте.
Сәлимә БАЙГИЛДИНА-ҒАФАРОВА.