+22 °С
Облачно
Китапхана эше йәнле
9 Июня , 05:06
Эпосты өйрәнәбеҙ
Өфө ҡалаһының 30-сы моделле балалар китапханаһында башҡорт халҡының әҙәби ҡомартҡыһы - «Урал батыр» эпосына арналған сара үтте. Эпос менән Мөхәмәтша Буранғоловтың исеме айырылғыһыҙ бәйле, уның арҡаһында әҫәр беҙҙең көндәргә тиклем килеп еткән. 1910 йылда ул ике сәсәндән эпосты һөйләтеп, яҙып ала. Улар - Иҙрис ауылынан Ғәбит Арғынбаев һәм Ырымбур губернаһы Кесе Этҡол ауылынан Хәмит Әлмөхәмәтов. Эпостың оригиналь машинала яҙылған тексы менән китаптың факсимиль күсермәһе Евразия күсмә цивилизациялар музейы коллекцияһында һаҡлана.
Эпосты өйрәнәбеҙ
Сарала балалар «Урал батыр» эпосы геройҙары: ағалы-ҡустылы Шүлгән һәм Урал, ҡоштар батшаһы Самрау ҡыҙы Һомай, ҡанатлы ат Аҡбуҙат менән таныштылар. Эпоста ҡыйыу Урал батыр дейеүгә һәм аждаһаларға ҡаршы тора, улар уның Йәншишмәгә барыу юлын бөтә көстәре менән ҡапларға тырыша. Был алыштарҙан Ямантау һәм Янғантау барлыҡҡа килеүе телгә алына. Эпосҡа ярашлы, был тауҙар еңелеүсе дейеүҙәрҙе сағылдыра.
Сара аҙағында балалар викторина һорауҙарына яуап бирҙе, «Ун айырма тап» уйынын уйнаны, шулай уҡ «Тыуған яҡ, һин - йырҙарҙа һәм легендаларҙа» китап күргәҙмәһе менән танышты.
Роза МАРКИНА, Евгения АКБАШЕВА, китапханасылар.
Өфө ҡалаһы.
Эпосты өйрәнәбеҙ
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
