+10 °С
Облачно
Клиптар
24 Августа 2022, 05:50
"Ялҡау малай" клибын ҡарағыҙ
Бөгөн "Бәйләнештә" селтәренә инһәм, яңылыҡтар таҫмаһында "Премьера! "Ялҡау малай". Операторы - Азамат Ҡарағолов" тигән яҙма иғтибарҙы тартып тора. "Йәншишмә"нең йәш хәбәрсеһе бит Азамат! Ағаһы Айгиз Буранғолов йырлай. Бик ҡыҙыҡлы клип килеп сыҡҡан.
- Йыр "Ялҡау малай" тип аталһа ла эштән бушамай бит был малай, - тим шаяртып.
- Ауылда эш күп бит, - тип ризалаша йыр һүҙҙәренең авторы Айгиз. Әйткәндәй, ул да гәзитебеҙгә яҙыша торғайны. Әле Төркиәлә белем ала. Ҡустылары менән каникулда эшен дә эшләйҙәр, ижад та итәләр. Йыр рэп стилендә яҙылған.
- Телефон аша Айбулат ҡустым менән дә кәңәшләштек. Смартфонға кәрәкле программалар ҡуйып, видеоны үҙебеҙ эшләнек, - ти егет. Айбулат Ҡарағоловты ла (KARABAY SSN) йырҙары аша беләһегеҙҙер әле, моғайын. Ә һәләтле йәш хәбәрсебеҙ Азамат Ҡарағолов үҙен оператор булараҡ танытты. Афарин!
Фото: "Бәйләнештә".
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
