+24 °С
Ямғыр
Күңелле каникул көндәре
11 Август 2023, 12:00
Их, минең толпар атым!
Һигеҙ йәшлек Ибраһим Ғәлин ошо көндәрҙә Баймаҡ районында барған «Башҡорт аты» халыҡ-ара фестивалендә ҡатнаша, сөнки аттарҙы ныҡ ярата. Батырыбыҙ Салауат Юлаев һымаҡ, ул да өс йәшенән һыбай йөрөй башлаған.
Их, минең толпар атым!
Ат йәнле Ибраһим көндәр буйы йылҡы малы эргәһендә йөрөргә әҙер: уларға һыу эсерә, бесән һала, ялдарын тарай, һөйөп ярата. Ә инде һыбай менһә, үҙен әкиәттәге батыр итеп хис итә. Аят ҡушаматлы туры атында, күрәһегеҙме, нисек ғорур ултыра!
Быйыл Ибраһим II синыфҡа бара, ул Бөрйән районы Иҫке Собханғол ауылының 1-се мәктәбендә уҡый. Күмәк балалы ғаиләлә атаһы менән әсәһенә ярҙамлашып, егәрле булып үҫеп килә.
Әйткәндәй, «Башҡорт аты» фестивале 11 – 13 августа уҙа. 12 августа иртәнге сәғәт 10-дан көндөҙгө 4-кә тиклем балалар майҙансығы эшләй. Унда башҡорт милли уйындары, ярыштар, «Ҡара юрға» бейеү флеш-мобы үтә. Ҡатнашыусыларҙы иҫтәлекле бүләктәр көтә.
Нурзиә ХӘСӘНОВА.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
