-16 °С
Болотло
VKOKfacebookTikTokInstagram
Бөтә яңылыҡтар
Мәғариф яңылыҡтары
24 Ғинуар 2019, 18:30

Башҡорт филологияһы һәм журналистика факультетында – яңы декан

БДУ-ның башҡорт филологияһы һәм журналистика факультетының деканы итеп филология фәндәре докторы, профессор Гөлфирә Абдуллина тәғәйенләнде. Ғилми советта уҡыу йортоноң ректоры Николай Морозкин менән фәнни һәм инновацион эшмәкәрлек буйынса проректор Вадим Захаров уның менән таныштырҙы.

Гөлфирә Абдуллина 1995 йылда Стәрлетамаҡ дәүләт педагогия университетын уңышлы тамамлағандан һуң, шунда уҡ ассистент, өлкән уҡытыусы, унан доцент, профессор, фәнни эштәр буйынса декан урынбаҫары булып эшләй. Ул - 360-тан ашыу фәнни-методик эштәр, шул иҫәптән 8 монография (шуларҙың 4-әүһе – авторҙашлыҡта), 1 фәнни мәҡәләләр йыйынтығы, 1 коллектив монография, 1 һүҙлек (авторҙашлыҡта), 5 уҡыу ҡулланмаһы һәм гуманитар уҡыу йорттары өсөн дәреслектәр, 16 уҡыу-методик баҫма, программалар һәм 300-ҙән ашыу фәнни мәҡәләләр авторы. Уның етәкселегендә фән кандидаты ғилми дәрәжәһенә 5 диссертация яҡланған.