+22 °С
Болотло
TelegramVKOK
Бөтә яңылыҡтар
Мәғариф яңылыҡтары
23 Август 2019, 10:42

Мәктәптәрҙә кеҫә телефондарын ҡулланыуҙы сикләргә уйлайҙар

Башҡортостан Дәүләт Йыйылышы – Ҡоролтай депутаттары мәктәптәрҙә кеҫә телефондарын ҡулланыуҙы сикләү буйынса тәҡдимдәр әҙерләй башланы.

«Бөгөн һәр кемдең тиерлек смартфоны бар. Күптәр, шул иҫәптән, үҫмерҙәр өсөн мобиль ҡулайламаларға бәйлелек, ысынлап та, проблемаға әүерелде,. – тине Дәүләт Йыйылышы – Ҡоролтай рәйесе Константин Толкачев. – Балалар дәрес ваҡытында ла смартфондан айырыла алмай. Ниндәйҙер сикләүҙәр индерергә кәрәк. Ошо йәһәттән төрлө фекерҙәр бар: смартфондар балаларҙың иғтибарын ситкә йүнәлтә, уларға материалды үҙләштерергә ҡамасаулай, уҡыу сифатын түбәнәйтә. Мобиль телефондарҙы бөтөнләй тыйырға ярамай, ләкин самалы сикләүҙәр индерергә мөмкиндер».

Дәүләт Йыйылышы – Ҡоролтай рәйесе уҡытыусыларҙың август кәңәшмәһендә ошо мәсьәләнең күтәрелеүен иҫкә төшөрҙө.

Константин Толкачев фекеренсә, мәктәптәр ҙә үҙҙәренең ҡәтғи һүҙен әйтергә тейеш. – улар алдында ата-әсәләр комитеты менән ошо мәсьәләне тикшереү һәм ҡабул ителгән ҡарарҙарҙы тормошҡа ашырыу бурысы тора.
Читайте нас: