-14 °С
Болотло
TelegramТестарVKOK
Бөтә яңылыҡтар
Мәғариф яңылыҡтары
9 Сентябрь 2019, 11:26

Оҙаҡ көттөрөп булһа ла

Благовещен ҡалаһында күптән көткән мәктәп үҙ ишектәрен асты. Уны төҙөү 2015 йылда уҡ башланғайны. Тик быйыл ғына уҡыусыларҙы ҡабул итергә әҙер булды.

Ҡаланың икенсе биҫтәһендә төҙөлгән белем усағын беренсе синыф уҡыусылары менән тулыландырыу ҙа ауыр булмаған. Яңы мәктәпкә һөйөнөп-шатланып 60 бала тәү тапҡыр аяҡ баҫты.

Бында уҡыусыларҙың үҫеше һәм ижады өсөн барлыҡ шарттар ҙа булдырылған. Информатика бүлмәһендә заманса компьютерҙар ҡаршы алһа, технология дәрестәре йыһазландырылған оҫтаханаларҙа уҙасаҡ. Малайҙарға – быраулау һәм ҡырыу станоктары, ҡыҙҙарға 8 теген машинаһы, манекендар алынған. Туҡыма эшкәртеү өсөн ҙур бесеү өҫтәле, кейеп ҡарау урыны ла булыуы бик уңайлы. Синыф, лаборатор бүлмәләре, ашхана ла яңы ҡоролмалар менән тулыланған. Фойела – ҙур шахмат майҙансығы, икенсе ҡатта мольберттар һәм хор өсөн репетициялар үткәреү урыны ла бар.
Читайте нас в