+11 °С
Болотло
TelegramVKOK
Бөтә яңылыҡтар
Мәғариф яңылыҡтары
11 Апрель 2020, 13:02

Студенттар йәйге сессияһын дистанцион рәүештә тапшырасаҡ

Рәсәйҙең юғары уҡыу йорттарында белем алыусы студенттар йәйге сессияһың онлайн режимда тапшырасаҡ. Был хаҡта Фән һәм юғары белем биреү министры Валерий Фальков белдерҙе.

Ул күп ректорҙар менән һөйләшеү алып барыуын, уларҙың һанлы технологиялар менән йәйге сессияларҙы уҙғарырға әҙер булыуҙарын да билдәләне.
– Ҡайһы бер университеттарҙа сығымдар бар, шулай ҙа, дөйөм алғанда, юғары мәктәп был уҡыу системаһына яраҡлашҡан, – тине ул.
Оҙаҡламай министрлыҡ йәйге сессияны үткәреүгә әҙерлек буйынса аныҡ мәғлүмәттәрҙе бөтә юғары уҡыу йорттарынан да һорап аласаҡ.
Ә ҡабул итеү кампанияһына килгәндә, уны дистанцион форматта уҙғарырға тырышырға кәрәк, тип белдерҙе. Әгәр ҙә элек ҡаҙна урындарында уҡыу өсөн документтарҙы 20 июлгә тиклем тапшырырға кәрәк булһа, быйыл – 10 авгусҡа тиклем.
Читайте нас: