+26 °С
Болотло
TelegramVKOK
Бөтә яңылыҡтар
Мәғариф яңылыҡтары
26 Ноябрь 2020, 23:11

Дистанцион уҡыуҙы мәктәптә белем алыу менән сағыштырып булмай

Бөгөн Башҡортостан Республикаһы Мәғариф һәм фән министры Айбулат Хажин Дәүләт Йыйылышы-Ҡоролтайҙа парламент тыңлауҙарында сығыш яһаған.

Яңы коронавирус инфекцияһы арҡаһында республикала үткән уҡыу йылында уҡ уҡыусылар дистанцион режимға күсергә мәжбүр булғайны. Әлеге ваҡытта VI - X синыфтар өйҙән уҡый. Ләкин министр әйтеүенсә, дистанцион уҡыу сифатын мәктәптә уҡыу менән сағыштырып булмай. Бөтә Рәсәй тикшереү эштәре һөҙөмтәләре лә уҡыу сифатының түбәнәйеүе тураһында һөйләй. Сентябрҙә үткән тикшереү эштәре буйынса унынсыларҙың белем кимәле былтырғы менән сағыштырғанда насарыраҡ булған.
"Ҡайһы бер дәрестәр уҡытыусының һөйләүе менән генә үтә, балаларҙың уҡыу материалын нисек үҙләштереүе тураһында белеп булмай, был бик етди мәсьәлә", - тип белдергән республиканың мәғариф буйынса етәксеһе.
Читайте нас: