Был сараның 20 йыллыҡ тарихы бар. Тәүҙә төбәк конкурсы булараҡ башланһа ла, танылыу яулап, ил кимәленә күтәрелгән.
Быйыл финалға Рәсәйҙең 43 төбәгенән 100 иң шәп IX - XI синыф уҡыусыһы үткән. Улар биш этапта ярышасаҡ: үҙең менән ижади таныштырыу, тыуған яҡты өйрәнеү буйынса конкурс, ролле уйын, дебаттар, кейстар. Һөҙөмтәләр буйынса бер еңеүсе һәм ике лауреат, шулай уҡ биш номинация буйынса еңеүселәр асыҡланасаҡ. Төп бүләк - Краснодар крайындағы «Смена» Бөтә Рәсәй балалар үҙәгенә юллама.
Бүләкләү тантанаһын 12 декабрҙә «Бәйләнештә» социаль селтәрендәге «Ученик года» төркөмөндә тура эфирҙа ҡарарға мөмкин буласаҡ.
Фото: «Ученик года»