Мәктәп уҡыусыларына спорт майҙансығы, ял итеү урыны, музыкаль студия, агросиныф, химия һәм физика лабораторияһы бүлмәһе кәрәк. Һәр инициатив төркөм проект әҙерләгәс, уны яҡлау башланды. Һуңынан тауыш биреү үткәрелде.
Тәҡдим ителгән һәр проект мөһим ине, ләкин береһен генә һайларға шул. Һикһән процент тауыш йыйып, мәктәп янында спорт майҙансығын булдырыу проекты еңеп сыҡты. Быға аптырарға түгел, сөнки киләсәк иң тәүге сиратта һаулыҡтың ныҡлығынан башлана. Ә беҙҙең Амангилде мәктәбе спорт һәм сәләмәт тормош яҡлы. Район һәм республика кимәлендә лә төрлө спорт ярыштарында алдынғы урындарҙы яулап торабыҙ.
Шулай итеп, VIII синыф уҡыусылары әҙерләгән проект республика конкурсына сығасаҡ. Беҙгә уңыштар теләгеҙ.
Рүзилә НИҒМӘТУЛЛИНА, VI синыф уҡыусыһы.
Әбйәлил районы, Амангилде мәктәбе.