Гимназияла университет ҡарамағындағы мәктәп асылыуы һайланған йүнәлеш буйынса өҙлөкһөҙ белем алыуға шарттар тыуҙыра, шулай уҡ профориентация эшмәкәрлегенең дә сифатын яҡшырта.
Конкурсҡа биология кабинетында уҡыу шарттарын яҡшыртыуға йүнәлтелгән проект менән 5 команда ҡатнашырға теләк белдерҙе.
Уның төп маҡсаты — уҡыусыларҙа тәбиғи фәндәргә ҡарата ынтылыш көсәйтеү һәм эҙләнеүҙәр үткәреү. Белемде тәрәнәйтеү һәм практик һәләттәрҙе үҫтереү ошо йүнәлеш буйынса һөнәр алыуҙы дауам иткәндә кәрәк буласаҡ.
Әлеге ваҡытта гимназистар үҙҙәренең проекттарын VII - XI синыфтар араһында үткәрелгән тауыш биреүгә әҙерләй. Бының һөҙөмтәһе буйынса еңеп сыҡҡан бер проект региональ турҙа ҡатнашасаҡ.
И. БУЛАТОВ.
Өфө ҡалаһы.