Унда Башҡортостандан "Башҡорт теле һәм әҙәбиәте йыл уҡытыусыһы - 2023" төбәк-ара конкурсы еңеүсеһе, Нефтекама башҡорт гимназияһы уҡытыусыһы Гүзәл Сәғит ҡыҙы Ғайсина менән "Башҡортостан Республикаһы мәктәпкәсә белем биреү ойошмаларында туған телдә белем биреүсе йыл педагогы - 2023" конкурсы еңеүсеһе, Өфө ҡалаһы 202-се полилингваль балалар баҡсаһының өлкән тәрбиәсеһе Гөлсинә Азат ҡыҙы Ишбаева ҡатнаша.
Уҡытыусыларҙың һөнәри оҫталыҡ бәйгеһе Ҡарасәй-Черкесс республикаһының Черкесск ҡалаһында үтһә, тәрбиәселәрҙеке Төньяҡ Осетиялағы Владикавказ ҡалаһында була. Яҡташтарыбыҙға уңыштар теләйек.
Әлеге ваҡытта Бөтә Рәсәй конкурсында ҡатнашыусыларҙың медиавизиткалары өсөн тауыш биреү бара. 22 сентябрь 18.00 сәғәткә тиклем ошонда - https://vk.com/app7198399_-213970634 тауыш бирергә мөмкин.
Фото: vk.com.