+15 °С
Ямғыр
TelegramVKOK
Бөтә яңылыҡтар

Тәүге 100 балл алыусылар билдәле

Химия, биология, әҙәбиәттән Берҙәм дәүләт имтихандары һөҙөмтәләре билдәле. Химия буйынса 45 кеше 100 балл алған! Былтыр иһә 18 ине.

Тәүге 100 балл алыусылар билдәле
Тәүге 100 балл алыусылар билдәле

Географиянан - 4, әҙәбиәттән 2 уҡыусы иң юғары һөҙөмтәгә өлгәшкән. 

Рәми Ғарипов исемендәге 1-се республика башҡорт интернат-гимназияһының XI "Г" синыфынан Дилә Хәйруллина ла химиянан имтиханды 100 балға тапшырған. Уның уҡытыусыһы - Гөлнара Мирсаяф ҡыҙы Рамазанова. Был, әлбиттә, уҡыусы менән етәксенең тырышлығы һөҙөмтәһе.

Башҡортостан Хөкүмәте Премьер-министрының беренсе урынбаҫары Урал Килсенбаев белдереүенсә, химиянан барлығы 2423 кеше имтихан тапшырған һәм уларҙың 630-ы 82 һәм унан  юғарыраҡ балл йыйған.

Республикала 100 балл алыусы уҡыусыны әҙерләгән педагогтарға - 50 мең күләмендә, Башҡортостандың юғары уҡыу йортона ингән абитуриентҡа  иһә 150 мең һум премия түләү ҡаралған.

Фото: vk.com. 

Автор:Эльвира Әсәҙуллина
Читайте нас: