+17 °С
Болотло
Бөтә яңылыҡтар
Мәңгелек ут
20 Июнь 2021, 10:48
2 мең 700 яугирҙың исеме асыҡланған
Ҡырмыҫҡалы районының Шайморатов ауылында иҫтәлекле сара – «Шайморатовсылар – легендар 112-се Башҡорт кавалерия дивизияһы яугирҙары» белешмәһенең исем туйы булды.
Байрамдың Рәсәй Геройы Миңлеғәле Шайморатовтың тыуған ерендә үтеүе бигерәк тә тулҡынландырғыс ине. Халыҡ тәүҙә батырыбыҙ һәйкәле урынлашҡан паркта йыйылды. Унда тантаналы митинг булды, сәскәләр һалынды.
– 2019 йылда «Шайморатов вариҫтары» тигән халыҡ проекты иғлан ителгәйне. Тарихсылар, архив хеҙмәткәрҙәре ярҙамы менән 2 мең 700 яугирҙың исемен асыҡланыҡ. Электрон база булдырҙыҡ. Һуңынан республика Башлығы грантына белешмәнең баҫма вариантын да сығарҙыҡ. Бындай проекттың Рәсәйҙә булғаны юҡ. Эш барышында бик күп хаттар, фотолар алдыҡ, – тине үҙенең сығышында ошо ҙур, матур эште башлаусы һәм ойоштороусы, Бөтә донъя башҡорттары ҡоролтайының Башҡорт халҡының тарихы һәм үҫеше комиссияһы рәйесе Азат Ярмуллин.
Артабан сара район мәҙәниәт йортонда дауам итте. Китаптың исем туйына яугирҙарҙың балалары, ейәндәре лә килгәйне. Шулай уҡ республиканың башҡа район һәм ҡалаларынан вәкилдәр ҡатнашты. Бөтә донъя башҡорттары ҡоролтайының башҡарма комитеты рәйесе Ғәлим Яҡупов проектты тормошҡа ашырыуҙа әүҙемлек күрһәткәндәрҙе Рәхмәт хаттары менән бүләкләне. Ауылдағы музейға Миңлеғәле Шайморатов һәләк булған ерҙән алып ҡайтылған бер ус тупраҡ һалынған тубус тапшырылды.
112-се Башҡорт кавалерия дивизияһы яугирҙары тураһындағы белешмәнең интернетта ла, ҡағыҙ вариантта ла булыуы һөйөндөрә. Белеп ҡуйығыҙ: 112bkd.ru сайтына инеп, һәр берегеҙ уларҙың биографияһы, тарихи документтар менән таныша, фотоларын ҡарай алаһығыҙ.
Эльвира ӘСӘҘУЛЛИНА.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж