+1 °С
Болотло
TelegramVKOK
Бөтә яңылыҡтар
Матбуғат
14 Июнь 2022, 12:50

«Башкорт телендәге баҫмалар йәмғиәтебеҙҙе тәрбиәләй!»

105 йыл элек - 1917 йылының 14 июнендә - тәүге Башҡортостан Республикаһы баҫмаһы донъя күрҙе.

Әлеге йөҙләгән киң мәғлүмәт саралары - республика һулышын күҙәткән сәйәси ижтимағи гәзиттәребеҙ ҙә, балаларым яратҡан «Аҡбуҙат» та, хикмәтле мәрәкәләр тулы «Һәнәк» тә - ошо бер баҫманан башланды.
Башҡорт телендәге матбуғатҡа килгәндә - ул туған телде һаҡлау һәм үҫтереү сараһы.
Мәктәп уҡытыусыһы телебеҙ һәм мәҙәниәтебеҙ тураһында мәғлүмәт балаларыбыҙға бирһә, журналистың һүҙе беҙҙең үҙебеҙҙе тәрбиәләй, телебеҙҙе ҡәҙерләргә өйрәтә, телебеҙҙе заманаға ярашлы камиллаштыра.
Әйтәйек, егерме йыл элек яңы бәйләнеш саралары менән килгән "сәхифә", "һылтанма" йәки "кеҫә телефоны" һүҙҙәре телебеҙҙә журналист хеҙмәте менән лайыҡлы урын алды.
Иманым камил, беҙ милли матбуғатҡа яҙылырға һәм уны уҡырға тейешбеҙ. Быны үҙемә "өйгә эш" тип күрәм һәм бөтөн дуҫтарыбыҙҙы милли баҫмаларға яҙылырға әйҙәйем.

Юлдаш ЙОСОПОВ.

Автор:Юлиә Кирәева
Читайте нас: