Иң шәп хәрби-патриотик клубтар

Рәсәй Геройы Максим Серафимов исемендәге "Патриот" хәрби-патриотик паркында "Башҡортостан Республикаһының иң яҡшы хәрби-патриотик клубы" конкурсының икенсе этабы үткән. Унда 12 команда ҡатнашҡан. Программала төрлө ярыштар, конкурстар булған: "Визит карточкаһы", "Ватан тарихы биттәре буйлап" интеллектуаль уйыны, хәрби эстафета, радиациянан, химик һәм биологик ҡоралдан һаҡланыу, пилотһыҙ осоусы аппарат менән идара итеү...

Еңеүселәр ике категорияла билдәләнгән. 50 меңдән ашыу кеше йәшәгән ҡалалар буйынса еңеүселәр:

"Гефест" (Күмертау);

"Голубые молнии" (Өфө);

"Ватан" (Стәрлетамаҡ).

50 меңдән әҙерәк халыҡ йәшәгән ҡала һәм ауылдар буйынса:

"Русь" (Өфө районы);

"Ильяс Кәлимуллин исемендәге коллиматор" (Яңауыл районы);

"Йәш пехотасы" (Дүртөйлө районы).

Был командалар "Волга буйы федераль округының иң яҡшы хәрби-патриотик клубы" исеме өсөн көрәшәсәк. 

Фото: героипфо.рф.