-5 °С
Болотло
Бөтә яңылыҡтар
"Минең бәләкәй бизнесым"
27 Июль 2018, 18:19
Мунсаҡтан – аҡса
Эх, тиҙерәк йәй етһен ине, тигән хыял менән оҙо-о-он ҡышты, унан яҙҙы үткәреп ебәрәбеҙ. Пландар ҡорабыҙ. Мин үҙем уларҙы дәфтәремә яҙып ҡуям. Йәй минең генә түгел, бөтә балаларҙың да яратҡан миҙгелелер ул. Оҙайлы каникулға сығыу менән 21 көн мәктәбебеҙҙәге «Һаҡмар» йәйге һауыҡтырыу лагерында ял иттем. Унда йөрөгән балаларҙы ике ырыуға бүлделәр: Ҡыпсаҡ һәм Бөрйән. Көн һайын фәһемле саралар, күңелле ярыштар, мауыҡтырғыс уйындар үтте һәм тәмле аштар менән һыйланылар. Лагерҙан ҡайтҡас, өйҙә әсәйемә ярҙам итештем, Мостай Кәримдең «Беҙҙең өйҙөң йәме» повесын уҡып сыҡтым.
Эх, тиҙерәк йәй етһен ине, тигән хыял менән оҙо-о-он ҡышты, унан яҙҙы үткәреп ебәрәбеҙ. Пландар ҡорабыҙ. Мин үҙем уларҙы дәфтәремә яҙып ҡуям. Йәй минең генә түгел, бөтә балаларҙың да яратҡан миҙгелелер ул. Оҙайлы каникулға сығыу менән 21 көн мәктәбебеҙҙәге «Һаҡмар» йәйге һауыҡтырыу лагерында ял иттем. Унда йөрөгән балаларҙы ике ырыуға бүлделәр: Ҡыпсаҡ һәм Бөрйән. Көн һайын фәһемле саралар, күңелле ярыштар, мауыҡтырғыс уйындар үтте һәм тәмле аштар менән һыйланылар. Лагерҙан ҡайтҡас, өйҙә әсәйемә ярҙам итештем, Мостай Кәримдең «Беҙҙең өйҙөң йәме» повесын уҡып сыҡтым.
Ялымды файҙалы үткәреү маҡсатында яратҡан шөғөлөмә – ҡул эштәренә тотондом. Хеҙмәт дәресендә ырғаҡ менән бәйләргә, сигергә, йомшаҡ уйынсыҡтар тегергә өйрәнгәйнек. Мәрйендән беләҙек, мунсаҡтар эшләргә лә оҫтарып алдым. Эштәремде әсәйем маҡтап, Баймаҡ ҡалаһынан күп итеп кәрәк-яраҡтар – мәрйендәр, уларҙы теҙеү өсөн махсус еп һатып алып ҡайтты, интернеттан мунсаҡ эшләүҙең яңы схемаларын да сығарып бирҙе.
Был шөғөл минең үҙемә лә оҡшап ҡалды, белгәндәремде 6 йәшлек һеңлем Ғәлиәгә лә өйрәттем. Әле яһаған бер мунсағымды 200 һумға һаттым, бер нисәүһен туғандарыма бүләк иттем. Заказ биреүселәр ҙә бар. Уҡыуҙар башланғас, каникул мәлендә әҙерләгән ҡул эштәремде мәктәп йәрминкәһендә һатасаҡмын.
Йәйҙең тағы ла бер һөйөнөсө – беҙ туғандарыбыҙ менән осраштыҡ. Минең йәштәге Яҙгөл, Динә, Азалия, Денис, Динислам менән танышып, рәхәтләнеп уйнаныҡ, бәләкәстәрҙе лә онотманыҡ. Атай-әсәйҙәр менән тәбиғәт ҡосағында ла ял иттек.
Каникулдың бер айы бар әле. Ҡалған ваҡытты ла файҙалы үткәрергә тырышасаҡмын. Әлеге ваҡытта еләк йыйып, унан ҡайнатма, ҡаҡ эшләйбеҙ, үләндәрҙе киптереп, сәйҙәр әҙерләйбеҙ. Талҡаҫ күленә лә һыу инергә барасаҡбыҙ әле. Ошо өс айҙы ярты көн йоҡлап, көнө буйы телевизор ҡарап, компьютерҙа уйындар уйнап түгел, файҙалы итеп үткәрһәк, ҡайһылай шәп буласаҡ.
Гүзәлиә САДИҠОВА, III синыф уҡыусыһы.
Баймаҡ районы, Өмөтбай ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж