+29 °С
Ясна
Бөтә яңылыҡтар
"Минең бәләкәй бизнесым"
5 Июль 2019, 12:20
Ҡуян үрсетә башланым
Һәр кешенең яратҡан шөғөлө була. Кемдер бейей, берәүҙәр уйынсыҡ машиналар йыя, икенселәр компьютер уйындарын үҙ күрә.
Ә мин йорт ҡуяндары үрсетәм. Улар шундай матурҙар, йомшаҡтар!
Ҡуяндар менән ҡыҙыҡһыныуым былтыр йәй көнө башланды. Флүр ағайға һыйыр көтөүенә сыҡтым. Кис ул йылмайып:
– Рәхмәт, ҡустым, ярҙам иттең. Аҡсалата түләйемме әллә йорт ҡуяны бирәйемме? – тимәһенме.
– Йорт ҡуяны! Күптәнге хыялым бит ул! – тип яуапланым.
Йомшаҡ ҡына һоро ҡуянымды тотоп ҡайтып ингәс, атайым маҡтаны. Икәүләп тиҙ генә ситлек эшләнек, һыу ҡуйҙыҡ, бесән, түтәлдән кишер ҙә йолҡоп һалдым.
Тиҙҙән ҡуянымдың балалары тыуҙы. Тотоп ҡарамаҡсы инем, атайым туҡтатты. Шунда мин яңы тыуған ҡуян балаларына ҡағылырға ярамағанын белдем. Ике аҙнанан бәләкәстәр инәләре эргәһендә йүгереп йөрөй башлағас ҡына уларҙы ҡулға алып, һыйпап яраттым.
Хәҙер ике төр ҡуян үрсетәм. Уларға бесән, кишер, кәбеҫтә бирәм. Ауыҙҙарын ослайтып, шәп-шәп кенә ашауҙарын күҙәтергә яратам. Ҡышын ҡуяндарҙы һарайҙа, йәйен ситлектә аҫрайым.
Быйыл ҡыш ҡуяндар һарайҙың нигеҙен ҡаҙып, тишеп бөткән дә ҡуйған. Бер бәләкәсе, ҡыҙыҡ күреп, тышҡа уҡ сыҡҡан. Шул саҡта әллә ҡайҙан бер ҙур бесәй килгән дә уны эләктереп алған. Мин бесәй артынан йүгерҙем, тик ҡуянымды ҡотҡара алманым. Шундай ҡыйын булды, күңелем тулды, ҡыҙ булһам, илар инем дә, саҡ түҙҙем.
Ҡуянҡайҙарымды бик яратам. Әлеге көндә улар – 11. Йылына 4 – 5 тапҡыр балалары тыуа, кәм тигәндә, бишәр бәләкәстәре була. Бик тиҙ үрсейҙәр. Беҙ уларҙы 500 һумға һатабыҙ. Аҡсаһына тәмлекәстәр, башҡа кәрәк-яраҡ алам.
Айгизәнең тыуған көнөнә лә ҡуян бүләк иттем. Шул тиклем шатланды! Хәҙер уны ла ҡуян ҡарарға өйрәттем. Әйҙә, ул да үрсетһен.
Туймазы районы, Бишҡурай ауылы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж